Russia-in Ukraine school a beihnaah mi 26 an thi

Russia leh Ukraine ramte an la indo chhunzawm zel a, Thawhṭanni khan Russia-in Ukraine chhim lama school pakhat kap fuhin mi 26 an thi niin Ukraine chuan a sawi. He school hi indona avanga harsatna tawkte chhawmdawlna semna atana hman nia sawi a ni.

Ukraine chhim lam, Kherson bialah hian hun rei vak lo, October 27 - November 1 inbeih hi an chawlhsan hnuah Pathianni aṭang khan an inbei chhunzawm leh a ni. Russia chuan Zaporizhzhia khua beiin, school hi kap fuh telin a chhe hneh hle. Thi zingah hian school-a an thil sem dawng tura kalte apwh an awm.

Ukraine president Volodymyr Zelenskyy chuan Thawhṭanni zingah he school-ah hian harsatna tawkte chhawmawlna hi sem ṭhin a ni tih a sawi a, thil sem dawng tura mi an kalkhawm lai takin Russia hian a bei a, a hnuah pawh a kap nawn leh bawk niin a sawi. Thi zingah hian chhan chhuah hna thawktu mi pahnih leh police officer pali an tel tih acting regional governor, Mykhailo Semikim chuan a sawi bawk.