Germany minister-ten buaina siamtute hremna na tak pekah vau

Germanyh minister-te chuan kar liam ta Inrinnia Frankfurt khawpuia nawrh huaihawt ṭuma buaina siamtu, dawr tichhia leh rawktute chu hremna na tak pekah an vau. Nawrh huaihawtte nena an innawrnaah police officer 100 chuangin hliam an tuar a ni.

'Gen Z regelt' kaihhruain an rama zirna dinhmun ṭha zawk leh, khawsak hautak lutuk tihziawmte phutin Inrinni khan khawpui hrang hrangah nawrh huaihawt a ni. Frankfurt khawpui bikah nawrh huaihawt zinga ṭhenkhat chuan buaina thlenin, dawr 17 an tichhia a, heng zinga dawr pangaa bungruate chu an rawk zui bawk.

Hesse state interior minister Roman Poseck chuan Frankfurt-a buaina siamtu zingah 54 man an nih thu leh, heng mite hi kum 13-29 inkar an ni tih a sawi. Buaina chhuaka inhnamhnawih zinga tam tak chu pem lut an nih tih a sawi bawk a ni.

Germany interior miniter Alexander Dobrint chuan pawikhawihtute chu chhui chhuah a, hremna na tak pek an ni dawn tih a sawi. Hetianga buai chawh chhuah hi an pawmzam mai dawn lo tih a sawi.