London Police-ten Palestinian pawl thlawptu mi 139 man

London police-ten kar liam ta Inrinni khan dan pawna hnawl, Palestine Action pawl thlawpna lantira US embassay kawta pungkhawm mi 139 an man.

Kum 2025 July thlaa UK sorkarin Palestine Action pawl dan pawna hawla firfiak pawla a puan hnuah, he pawl thlawpna lantira pungkhawm zinga mi 4,000 chuang chu terror law hnuaiah man a ni tawh a ni.

Inrinni vek khan Edinburgh, Scotland-a US Consultate pawnah Palestinie Action pawl thlawptute hi an pungkhawm bawk. Police-te chuan man an nei lo tih an sawi a, mahse firfiak pawl thlawpna thu inziahna kawr hatu leh banner kengtute chu chhui zui an nih tur thu an sawi.

Palestine Action hian firfiak pawla puan an nih chungchang hi Supreme Court-ah khingin, court chuan November 4-ah hei hi a ngaihtuah dawn a ni. He pawl thlawptute chuan dan pawna hnawl an nih danah thuneitu lam inluling lutuk leh, mitin freedom of speech an neih bawhchhiatna a nih thu an sawi. He pawl hi UK sorkarin firfiak pawla a puan hnuah, US sorkarin pawhin firfiak pawlah a puang ve leh tawh bawk a ni.

UK sipaiten Israel an puihna tihtawp tuma hma la turin kum 2020 khan Palestine Action hi din a ni. Kum 2024 khan an member ṭhenkaht chu Israel mi ta, ralthuam siamtu Elbit Systems UK factory chhungah lutin, an hmanruate an tihchhiat sak a ni. Kum 2025 June thla khan Royal Air Force base-ah activist ṭhenkhat lut leh bawkin, thlawhtheihna pahniha engine te chu rawng senin an kap a, an tichhe bawk.