Israel eptu ṭangrual pawl Arab party thawhpui turin phut

Israel ram inthlanpui neih zawh takah sorkarna siam thei tura seat mamawh la pha an awm lo. Inrinni khan Tel Aviv-ah Israel mi eng emaw zatin kawng zawhin, prime minister Benjamin Netanyahu paihthlak a nih theihna turin eptu ṭangrual pawl Arab party thawhpui a, sorkar thar siam turin an phut.

PM Netanyahu kaihhruai right-wing ṭangrual pawl chuan seat 12 awmna, Knesset-ah seat 53 an la a, Gadi Eisenkot kaihhruai eptu ṭangrual pawlin seat 48 an la bawk. Sorkarna siam tura seat neih ngai zat, seat 61 an neih phak loh ve ve avangin,sorkar siam tur chuan party dang an thawhpui a ngai dawn a ni. Hetih lai hian tun ṭum inthlanah Arab party pahnih Raam leh Joint List an che ṭha a, party pahnihte hian seat 19 an nei pha. Hei vang hian sorkar siamna turah an pawimawh pha dawn hle.

Israel ram mipui zinga 20% vel chu Arab community an ni a, hetih lai hian sorkar lamah erawh chanvo an nei khat hle. Kum 2021-2022 khan Raam party hruaitu, Mansour Abbas chu ṭangrual sorkarah a lo tel ve tawh a, kumina sorkarna siamtu zingah tel leh a duh thu pawh a sawi a ni. Joint List hotu, Yousef Jabareen pawhin sorkar siamtu zingah tel kher loin, Parliament-ah Eisenkot kaihhruai chu thlawp an inhuam thu a sawi tawh bawk.

Hetih lai hian eptu ṭangrual pawl hotu, sipai hotu hlui Eisenkot chuan Arab party-te hi a thawhpui dawn leh dawn loh a la sawi lo a, thutlukna a la siam lo.