Kim-a'n drone siam hna chak zawka kalpui turin ti

North Korea ram hruaitu, Kim Jong Un chuan an drone siam hna chu chak zawka kalpui tura tiin, an ram chu drone siam chhuah leh thiamna kawngah chungnung ber dinhmuna ding turin a ti.

Kim hian Ningania ralthuam hrang hrang entirna, exhibition an hmanpuinaah he thu hi a sawi a ni. Exhibition-ah hian drone hrang hrang leh 600mm rocket launcher te pholan a nih thu state media, KCNA chuan nimin khan a tarlang. South Korea chuan Ningani vek khan North Korea projectile 10 vel a kap chhuak a, heng zingah hian short-range ballistic missile pawh a tel niin a lo sawi tawh bawk.

North Korea hruaitu hian an ram sipaite tan drone leh Artificial Intelligence (AI) lam tihchangtlun leh tihhmasawnna a ṭul thu a lo sawi fo tawh a ni. Kum 2024 November thla khan suicide attack drone tam tak siam turin thupek a tichhuak a, kum 2025 March thla khan AI hmanga thuam drone vesion enchhinnaah pawh a lo telpui tawh a ni. Hemi kum vek September thla khan an ram sipaite ralthuam tihchangkanna turin AI chu dah pawimawh a ṭul thu a sawi bawk.