US-in China genomic company aṭanga bungrua lak luh khap

US chuan China genomic company pathumte chu tihluihna hmanga kum tling loa hnathawka chhawra puh a nih avangin an bungrua siam chhuahte an rama lak luh a khap.

US Department of Homeland Security (DHs) chuan thuchhuah siamin, China-a Xinjiang biala company pathum - BGI Genomics, MGI Tech leh Shenzhen BGI Technology, BGI Group tia hriat bawkte chu Uyghur Force Labor Prevention Act Entity List-ah telh an nih thu a sawi. List-a company-te hian Uyhghur, Kazakh, Kyrgyz leh Xinjiang biala hmun dang aṭangin kum tling lote la lutin, hnathawkah an chhawr lui ṭhin nia sawi a ni.

Kum 2022 khan United Nations chuan Xinjiang bialah hetianga inchhawr luihna leh dan bawhchhiatna a thleng nasa nia sawiin warning a lo pe tawh a ni. Mahse, China sorkar chuan mihring dikna chanvo palzutsakna a awm nia sawi chu a pha nasa hle thung. US-in company pathum khapna a tihchhuah pawh an dem thu sawiselin, thu belhchian tlak behchhan nei loa thutlukna siamah a puh.