Tibet-ah magnitude 7-a nain lir a nghing

Tibet Autonomous Region, China-a Nagqu City huam chhunga Baqen County-ah Ningani zan khan magnitude 7-a nain lir a nghing a, chhiatna thleng mi 16 an thih bakah hliam 65 an awm. Lirnghinna bial chhunga cheng mi 12,000 chuang chu sawn chhuah an ni bawk.

Lirnghing vang hian chenna in 399 leh ran vulhna in 20 a chim a ni. Inbiakpawhna lamah harsatna a thlen bawk a, railway thuneitute chuan venthawn thilah rel service an tihtawp lailawk bawk a ni. Lirnghing vang hian lung a tlak bawk avangin National Highway hmun ṭhenkhat chu khar a ni a, emergency service chauh an kal tlang phal a ni.

China president Xi Jinping chuan lirnghing vanga harsatna tawkte chhan chhuah leh chhawmdawl hna rang taka thawk tur leh, chin hriat loa awmte zawn hna thawk turin thupek a tichhuak nghal a, chhan chhuah hna thawk tur hian police officer 300 cuang tirh an ni. Nimin zing khan lirnghinna bial huam chhungah chhawmdawlna hrang hrang thawn luh nghal ani a, heng zingah puan-in 3,200, foldding bed 2,800 bakah rizai te an tel a, stove leh thawmhnaw te pawh thawn luh nghal a ni bawk.