Venezuela-ah eptuten inthlan neih phutin kawng zawh

Venezuela-ah eptu pawl huaihawtin inthlan neih phutin Ningani khan ram pum huapin lungawi lohna lantir a ni a, hei kum hnih dawn hnuah eptuten ram pum huap nawrh an huaihawt vawi khatna a ni. Zalen leh felfai taka inthlan buatsaih bakah, an ram politics dinhmun ṭha lote siamṭhat an phut bawk.

US security force-ten kumin January thlaa Venezuela president hlui, Nicolas Maduro leh a nupui man a, an rama an hruai hnuah acting president atan vice president Delcy Rodriguez chu dah a ni. Rodriguez leh US president Donald Trump-te chuan inthlan buatsaih a ni dawn tih lo sawi tawh mah se, a hun erawh an la ruat lo a ni.

Eptu hruaitu, nikuma Nobel Peace Prize dawngtu ni bawk, Maria Corina Machado chuan nakkum July thlaah inthlan hi buatsaih an phut tih as awi. Machado hi kum 2024 inthlana a chuh hnuah biruin, ram pawn lamah kum khat dawn a khawsa tawh a ni. Ningania nawrh huaihat pawh hi Machado-i kaihhruai Vente Venezuela movement kaihhruainaa neih a ni a, an ram khawpui Caracas bakah khawpui lian dang - Valencia, Maracay, San Cristobal leh Maracaibo-ahte pawh neih a ni bawk.