Israel-in inzawmna a neih pui loh ram pilot leh crew-te an rama luh khap

Israel chuan tun hnaia UAE aṭanga Israel pana thlawk, Flydubai thlawhtheihna chetsualtir tuma pilot beihna a thlen hnuah aviation security lamah khuahkhirhna thar a siam. He khuahkhirhna siam thar hnuaiah hian Israel-in palai intirhtawnna lama inzawmna a neih pui loh ram pilot leh crew-te chu an ram china an thlawh luh a khap dawn.

Policy thar siam hian ram 20 chuang a nghawng dawn a, heng izngah hian Pakistan, Iran, Oman, Saudi Arabia, Algeria leh Tunisia te pawh an tel. Khawvel huapa service airline lam pawh a nghawng dawn. Hei vang hian Air France leh United Airlines te chuan Israel dan thar siam zawm tur hian an crew member-te hna thawh dan tur pawh an siamrem ṭan nghal a ni.

September 30 khan Israel pan tur, Flydubai thlawtheihnaa pilot, India mi captain Machchhar chu a co-pilot in beiin thlawhtheihna tlakpui a tum a; mahse Macchhar hian hliam tuar chungin cockpit kawngkhar hawngin, passenger leh crew member-te chuan co-pilot hi an rawn dang thei ta, chetsualna rapthlak thleng tur an pumpelh thei ta a ni. He thlawhtheihnaa khualzin chuang tam ber chu Israel mi a ni. Machchhar hi UAE damdawi-inah enkawl mek a la ni a, a huaisenna avang hian fak a hlawhin Israel chuan civil mi hnena chawimawina sang a pek ṭhin a hlan dawn a ni.