Hurricane Isaias in US chhim lam a nuai

Thlipui, hurricane Isaias chuan Inrinni khan US chhim lam a nuai a, ruah nasa takin a sur zui bawk. Thlipui tlehin chhiatna a thlenah mi pali an thi a; Florida, Alabama, Georgia leh Mississippi-ah mi nuai 6 chuang power supply nei loin an awm bawk.

Thli leh hian thingkung eng emaw zat a len thluk a, in chungte pawh a la abwk a ni. Alabama, Florida leh Georgia-ah chuan state of emergency puan a ni a, Florida leh Alabama chuan thlipuiin an state a thlen hmain hmun him lama insaseng tura hriattirna an tichhuak bawk. Zirtawpni zan khan Isaias hian Florida-a Gulf Coast a chu darkar khata km 168-a naa tlehin a nuai a, thli nat zawng hi tlahniam deuh tawh ma se official-te chuan ruah a ken tel avangin ruah nasa taka surin, tuilian thlen mai hlauhthawnawm a nih thu an tarlang.

Hetih lai hian hurricane Simon chuan Mexico lam a pan mek bawk a, thli nat zawng hi category four a tling chho tawh. Nizan lam khan Mexico hi a thleng rin a ni. Kar liam ta kartawp lam khan thlipui RAchel chuan Mexico hmarlam leh California chhim lam a nuai bawk a ni.