UK leh Germany-te cyberattack do letna turin thawk dun dawn

Britain leh Germany chuan cyberattack thleng ṭhin do letna turin an thawk dun dawn. Hemi chungchangah hian nimin khan Britian prime minister Andy Burnham leh Germany chancellor Friedrich Merz te chu Berlin-ah a inbia a ni.

Hruaitu pahnihte hian UK leh Germany inkara himna leh venhimna chungchanga thawh dunna tur an duang dawn a ni. Hei hi cyber attack, sabotage leh ram dang, a bikin Russia lak aṭanga hlauhawm thleng hrang hrangte do leh venhimna tur a ni.

Inremna siam turah hian ram pahnihte chuan an thu hriat leh thu pawimawhte an inhrilh tawn ang a, hlauhawm lo thleng theite vilin, an lo dal ang a, an tihtawp bawk ang. Ram tana pawimawh infrastructure -electricity, communication leh thil dangte a himna tura hma lain, harsatna an tawha inpuitawn leh mamawh inphuhru tawn tura ruahman a ni bawk.

Burnham leh Merz hian Ukraine tana chhawmdawlna pek dan te, Middle East buaina thleng mek leh Strait of Hormuz-a lawng kal velten harsatna an tawh chungchangte pawh an sawi dun bawk a ni. UK-Germany Regional Growth Forum huaihawt bawkin, he hunah hian ram pahniha sumdawng hruaittue an tel dawn a, investment tam zawka tih dan tur leh, industry lama thawh dunna thuk zawk siam leh, economy lama an hlawk pui ve ve theih tura hma lak dan turte an sawi ho ang.