Brazil President thlanah tling zo awm lo

Brazil president thlanna, Pathiannia neihah candidate zinga tling tura vote hmuh ngai zat, vote tla aṭanga 50% hmu pha an awm lo. Hei vang hian vote hmu sang pahnihte chuan October 25-ah inthlan thawh hnihna an hmachhawn leh dawn a ni.

President thlannaah hian candidate 12 an awm a, senator Flavio Bolsonaro chuan vote hmu hnem berin 47.5% a hmu a, president nilai Luiz Inacio Lula da Silva chuan dawtin vote 44.66% a hmu ve bawk.

Kum 45 mi, president hlui Jair Bolsonaro fapa Flavio Bolsonaro chuan a pa right-wing movement chhunzawm turin a ṭum khatna atan president nih tumin a bei a, hetihlai hian kum 80 mi, president Luiz Inacio Lula da Sivla a term li-na turin president nih chhunzawm leh ngei a tum bawk a ni. President thlan ruala govenror, senator leh federal deputy thlanna neihah Bolsonaro-a party, Liberal Party (PL) chuan seat an la hnem ber bawk.