World Bank-in thlipui tuartu Sri Lanka puihna tur pawm

World Bank chuan nikuma thlipui, cyclone Ditwah tleh vanga chhiatna nasa tak thlenna, Sri Lanka ram puihna atana USD mtd 110 pekna tur a pawm.

Nilaini khan thuchhuah siamin, World Bank chuan ṭanpuina sum hi thlipui tlehin a tichhiat, bazar, school leh health facitily-te siamṭhatna atana hman a ni dawn tih a sawi. Hei bakah kawngpui chhiate pawh thawm ṭhat a ni ang a, drainage sytem ṭha zawk siamin, leimin laka invenna tur hrang hrangte pawh kalpui a ni ang.

World Bank hian Sri Lanka-a Inclusive Connectivity and Development Project kalpuina turin kum thum chhung atan puihna a lo pe tawh a, he a sum pek tawh nen Sri Lanka transport connectivity hnuaia investment a tih hi USD mtd 610 a tling tawh a ni.

Cyclone Ditwah hian November 2025 khan Sri Lanka a nuai a, thlipui tleh leh ruahsur nasa takin thil a tihchhiat hlut zawng chu USD ltd 4.1 vel a tling. Chhiatna thleng hian district 25-a mi mtd 2 dawn a nghawng bawk. Transport sector-in chhiatna thleng hi a tuar nasa ber a, kawngpui km 2,000dawn a chhe tel a ni. Thil chhe hrang hrangte siamṭha leh din thar leh tur chuan USD tld 1.31 vel ngai turin an chhut a ni.