Morocco hmeichhe PM hmasa ber Mansouri

Morocco lal, King Mohammed VI chuan urban planning minister, Fatima Zahra Mansouri chu Thawhlehni khan prime minister thar atan ruat. Kum 50 mi, Masouri hi Muslim ramah hian hmeichhe prime minister ni thei hmasa ber a ni.

Parliament inthlan neih zawh takah, Mansouri kaihhruai centrist Authenticity and Modernity Party (PAM) hian party mala vote hmu hnem ber a ni. Hei vangh hian lal chuan sorkar thar siam turin PM atan a ruat a ni. An ram danpui hnuaiah lal hi prime minister ruat tura thuneihna pek a ni a; mahse PM atan hian parliament inthlana seat la hnem ber party ami a thlan a ngai thung.

Mansouri hi Arab ram zingah hmeichhe prime minister ni thei pahnihna a ni a, a hmain Tunissia ramah Najla Bouden chu prime minister a lo ni tawh a ni. France-a University of Montpellier aṭanga law graduate a ni a, kum 2008 ah PAM a zawm a, 2024 ah chuan party hruaitu lu zingah a tel tawh. Parliament member niin, Marrakech maor pawh ṭum hnih a lo ni tawh bawk.