Israel PM-in puangzar lawk loin UAE a tlawh

Israel prime minister Benjamin Netanyahu chuan Pathianni khan puangzar lawk loin United Arab Emirates (UAE) a tlawh tih Israel media-te chuan an sawi.

Netanyahu hi UAE president Mohamed bin Zayed Al Nahyan nen inkawmin tlaiah an ram lamah a kir leh nghal nia tarlan a ni. Hetih lai hian Israel President Office chuan hemi chungchangah hian sawi engmah a la nei lo thung. Israel leh UAE hian kum 2020 khan US hmalakna hnuaia inremna, Abraam Accords siam hmangin ram palai pawh an lo intir tawn tawh a ni.

Tun hnaiah report ṭhenkhat chuan kum 2023, October 7-a Hamas firfiakten Israel chhim lam an beih dawn khan, UAE hruaitu hian Israel PM hi a lo hrilh lawk a, warning hi PM chuan Israel intelligence agency leh sipaite a hrilh chhawng lo nia sawi a ni. Mahse, Netanyahu chuan chanchinbu report tihchhuah hi thu dik lo a nih thu sawiin, dan hmanga hma lakah a vau zui bawk. UAE chuan Israel nena kum 2020 aṭang khan inbiakpawhna ṭha tak neiin, security chunghcang pawh an sawi dun ṭhin thu a tarlang. Mahse, ram hruaitu lu ber level-ah erawh hetiang hian an ti ngai lo niin a sawi ve bawk.