Pakistan-in Afghanistan drone 8 kap thla

Pakistan security force-te chuan Nilaini khan Afghanistan aṭanga an ram beihna tura drone kah chhuah pariat an kap thla tih an sawi. Ram pahnihte hian tun hnaiah ramria an inbei thar leh a ni.

Afghanistan aṭanga drone kah chhuah zinga pali hi Torkham ramri bulah kah thlak a nia , a dang pali chu Pakistan hmarthlang am, Khyber-Pakhtunkhaw province-a Korhat tlangdungah kah thlak a ni bawk.

Pakistan thuneitute chuan drone hian mipui punkhawmna hmun beiha tum nia sawiin, he thil hi Afghanistan-a Taliban sorkar thlawp firfiakten an beihna ngei niin a sawi. Mahse, Taliban sorkar chuan hemi chungchangah hian sawi la nei lo thung.

Tun hnaiah Pakistan sipai leh Afghansitan firfiak pawl hi ramriah an inkap thar leh a, Pakistan secusrityforce-te chuan ramri bul, Paktia leh Nangarhar province-ah firfiak luh tumte chu an lo dang tih an sawi. Ramria post-te chuan Afghanistan-a Taliban sipaite chuan an kap fo tawh sawiin, hei hi Pakistan sipaite chuan chhangin Taliban post-te chu an kap let ve tih an sawi bawk. Mahse, Taliban sorkar chuan Pakistan post-te chu an bei lo tih an sawi.

Pakistan sorkar hian Taliban sorkar chu firfiak pawl, Tehreek-e-Taliban Pakistan (TTP) thlawp leh, an hotute pawh an rama humhimah a puh. Pakistan ram beihna atan Afghanistan ram leilung hman phalsakah a puh bawk a ni.