Israel inthlanpuiah Arab party lian 2 teltir duh lo

Israel Central Elections Committee cdhuan October thlaa inthlanpui an neih turah, Arab party lian pahnih, United Arab List leh Joint List te chu chu tel khap an rel.

Committee hian vote lain, Mansour Abbas kaihhruai United Arab List bakah, Hadash, Ta’al leh Balad party intelkhawm Joint chu an disqualify a ni. Hadash legislator Ofer Cassif leh Balad hruaitu Sami Abu Shehadeh te chu a hranin inthlan chuh thei loin an khap bawk.

Mahse Central Elections Committee thutlukna hi thutawp a la ni lo a, Supreme Court pawmpuina an neih leh phawt a ngai dawn a ni. Hei bakah party leh mimal an khapte hian court-ah thutlukna siam hi an khing let thei dawn bawk a ni.

Joint List chuan prime minister Benjamin Netanyahu leh national security minister Itamar Ben-Gvir te chuan Arab voter te chu vote thlak lo turin an duh niin an sawi. An vote hmangin Netanyahu kaihhruai sorkar chu an paihthlak theih tih an hriat avangin an hlauthawng a ni, tiin Joint List hruaitu Yousef Jabareen chuan a sawi. Committee chuan voter mtd 1.25 chaugn awmna party-te chu engtinge a dan theih ang, tiin a zawt nghal bawk.

Abu Shehadeh pawhin an party khap tumna chu sorkar policy an sawisel ṭhin avanga an beih let tumna a ni tiin, committee thutlukna chu court-ah an khing dawn a, mipui pawhin lungawi lohna an lantir dawn tih a sawi. Tharum thawhna lam hawi a thlawp nia sawi pawh phain, ralthuam leh tharum hmanga chetna reng rang chu a dodal tlat tih a sawi a ni.