Japan ramah typhoon Dujuan tleh vangin mi 4 an thi

Japan ramah thlipui, typhoon Dujuan tlehin chhiatna a thlenah mi ali an thi a, hliam 22 an awm. Tokyo khawpui daia cheng mi sing tel chu power supply nei loin an awm bawk.

Typhoon Dujuan hian Sakua, Chiba Prefecture a nuai a, ruah nasa taka a sur bawk avangin mihring chenna bialte chu tuiin a chim nasa hle. Thlipui tleh vang hian Tokyo khawpuia khawvela video game trade fair lian ber zinga mi neih mek pawh a hun hmain an khar phah a ni.

Japan ramah hian nipui chawhnu lamah thlipui na tak a tleh fo a ni. Chiba-ha chhungkaw 45,000 vel chuan nimin chawhnu lam thleng khan power supply an nei lo. Thlipui tleh hian in 460 chuang a tichhe bawk. Chhiatna thlengah mi pali an thih bakah, ruahsur nasa takin leimina thlenah chin hriat lohin mi paruk an awm bawk a, heng mite zawn hna hi thawh chhunzawm mek a ni.

Typhoon Dujuan hi hmarchhak lam a pan tawh a, mahse Tokyo leh a chhehvelah ruah a sur nasat phah hle. Central Tokyo aṭanga chhim lam km 120v ela hla, Oshima thliarkarah darker 48 chhunga ruahtui tla chu millimeter 832 a tling hman a, ṭum danga September thlaa sur ṭhin aiin a letin a tam. Edogawa Ward-ah pawh darker 24 chhungin ruah millimeter 282.5 a sur bawk.