US-in Palestinian official-te visa khapna pawtsei

US Department of State chuan Palestinian Authority (PA) official leh Palestine Liberation Organisation (PLO) member-te visa khapna chu a pawtsei. Hei vang hian kar lehah New York-a United Nations General Assembly neih turah Palestinian president Mahmoud Abbas chu a zin thei dawn lo a ni.

Thuchhuah a siamah,State Department chuan US hnena an lo intiam tawh anga an insiamṭhat duh loh vang te, boruak muanawm awm theihna tur ngai pawimawh loh zawnga hma an lak chhunzawm zel vangtein PLO member leh PA official-te chu US-an luh khap a nih thu a tarlang.

State Department chuan PA chu US dan bawhchhia a, an inbiakna pawn amah Palestinian ram pawm a nih theihna tura hma laah a puh a, Israel nena an inkar chu international court-ah thlen leh, US leh Israel-in pawikhawihtu tia thiam loh a chantirte puihna sum peah a puh a ni. Kumin UN General Assembly-ah hian Abbas chuan ram dangte hnenah Palestinian ram pawm tura a nawr leh ngei rin a ni. Israel leh Palestinain ram dinna tur, two-state solution chu UK, France, Canada leh khawthlang ram sorkar eng emaw zat chuan an lo pawm tawh a ni.