Iran FM Araghchi-a'n China a tlawh

Iran foreign minister Abbas Araghchi chuan nimin khan China-ah a zin a, China foreign minister Wang Yi nen an inkawm dawn a ni. Wang hi Communist Party of china0a Political Bureau member ni lai a ni bawk.

Araghchi hian kum 2024 hnua China a tlawh vawi ngana niin, ram pahnihte hian inlaichinna ṭha tak an nei mek a ni. September 12-13 a New Delhi-a BRICS summit neih ṭum kha Aragchi hian Iran president Masoud Pezeshkian chu a ṭawiawm a, hemi ṭum hian Wang leh Russia foreign minister Sergei Lavrov nen pawh an lo inhmu tawh bawk a ni. July thla khan Kyrgyzstan-a Shanghai Cooperation Organisation foreign ministers’ meeting-ah Araghchi leh Wang hi an inhmu bawk a ni.

Iran media chuan Araghchi-a'n China a tlawh hian ram pahnihte inlaichinna ṭha zawk a siam theih beisei a nih thu an tarlang. Investment, technology, infrastructure leh security lamah thawh dunna thuk zawk an siam dawn niin an sawi.

US in an ram a beih avanga Iran-in tui kawng pawimawh, Strait of Hormuz a khar avangin oil tanker leh sumdawnna lawng liante harsatna an tawh mek a, Strait hawn a nih leh theihna atan inbiakna neihte chu inremna siam thei loin tihtawp a ni bawk. Thawhṭanni khan Iran, Iraq, leh Gulf Cooperation Council ram foreign minister-ten meeting an neih ṭum chu ṭhulh a lo ni tawh bawk a ni. China lam hian Iran Foreign Minister inbiakna an neihpuinaah, Strait of Hormuz hawn chungchang pawh hi an sawipui dawn nia sawi a ni.