Iran leh Gulf ramte inbiakna neih tur sawn

Oman rama Iran leh Gulf ram aiawhten Strait of Hormuz chungchanga inremna siam dan tur ngaihtuaha inbiakna neih tum chu sawn a ni. Inbiakna hi nimina neih tura ruahman a ni a; mahse sawn hlat a nih thu Oman foreign minister Badr Albusaidi chuan a sawi.

Albusaidi chuan an remtih tlanna anga meeting neih tur hi sawn hlat a nih thu tarlangin, an bial huam chhunga boruak ralmuang leh thawh hona ṭha a awm chu an duh ber a nih thu a sawi. Meeting an neih leh hun tur erawh a sawilang lo.

Iran chuan a hmain Strait of Hormuz-a lawng kaltlang tir an nih dan turah Gulf ram hrang hrang aiawhte nen inbiakna neih a nih tur thu hi a lo sawi tawh a ni.Mahse Gulf ram zingah Iraq chauhin meeting-a tel an tum thu hi an la sawichiang a ni. Bahrain chuan Iran nen inlaichinna siama nih loh thu sawiin, an tel dawn lo tih a sawi. Gulf ram dangte erawh chuan an tel dawn leh dawn loh an sawichiang lo thung. US leh Iran an inbeih thar leh hnuah, Strait hi Iran chuan a khar chhunzawm leh a, he tui kawnga sumdawnna lawng kaltlang pawh an tlem hle.