Germany-ah far-right AfD duh lohna lantir

Germany-a democracy thlawptu leh far-right party dodaltute chuan kar liam ta Inrinni khan state election neih zawh far-right party, Alternative for Germay (AfD) an chak duh lohna lantirin khawpui hrang hrangah kawng an zawh.

Kawng zawh hi khawpui 20 velah neih a ni a, AfD dan pawna hnawl an nih theihna tura nawr rengtu, campaign group Pruef huaihawt a ni. Kalkhawmte chuan AfD khap an duh thu leh, Democracy ram thil dang an mamawh lo tih thuziakte an keng.

Nawrh huaihawt thlawptu, campaign group dang Campact hotu, Chrstoph Bautz chuan ram danpui dodaltuten thuneihna an chelh tur vengin mipuite hian kawng an zawh tih a sawi.

AfD hi Germany rama dan loa pem luh dodaltu leh, pem luh tumte chungchanga dan khauh taka kalpui thlawptu niin, Russia lam a thlawp bawk. State election-ah chak mah se, majority a neih phak loh avangin party dangte chu sorkar siampui turin inbiakna a neihpui mek. Inremna an siampui thei a nih chuan, kum 1945-a Nazi era a tawp hua Germnay-a far-right party in sorkar an siamna hmasa ber tur a ni ang. AfD hruaitu Ulrich Siegmund chuan an ram mipuite chuan an ram inrelbawl dan chu thlak an duh tawh a ni, tiin hemi atan hian an party chu an duh tih an vote hmangin an tilang a ni, a ti. Party dangte thawhpui tura an inhawn reng thu a sawi.