IAEA-in UNSC-ah Iran a report

UN atomic watchdog, International Atomic Energy Agency (IAEA) chuan UN Secuirty Council-ah Iran chungchang report-in, an rama uranium sawngbawl a nih chungchang chhui chiannaah a thawhpui lo niin a sawi. Hei hi IAEA in UNSC-ah kum 20 chhunga Iran chungchang a report vawi khatna a ni.

Khawtlang lam official-te chuan an thil chhuina aṭangin Iran hian kum 2003 thleng khan a rukin nuclear weapon programme a kalpui niin an sawi. Mahse, Iran chuan nuclear ralthuam siamna tur ni loin, an programme chu a muanawm lam atana hman tur a nih thu a sawi.

IAEA in UNSC-a a report hian Iran hrekna kawng a hawn theih phah rin a ni a, hetih lai hian Iran ṭhianṭha Russia leh China-te chu UNSC permanent member an nih avangin, Iran hrek rawtna chu an veto power hmangin an lo dang thei dawn thung.

Kum 2025 June thlaa Israel leh US-in Iran nuclear site an kah fuh hnuah, Iran hian inbeihnain a nghawngg an nuclear site hrang hrangte chu IAEA inspector-ten an endik a phalsak lo a ni. Hei vang hian Iran-in nuclear ralthuam siamna atana pawimawh, uranium sawngbawl hna a kalpui dan leh a neih zat chu IAEA hian a enfiah thei lo a ni.