US-in Iran oil tanker 5 a kapchhia

US sipaite chuan Thawhlehni khan Iran-in an indo lawng an beih avanga an chhan letnaah, Iran oil tanker panga an kap chhia tih an sawi. Oil tanker kap chhiatsak an nih hnua Iran hian Jordan-a America hmunte chu missile hmangin a bei zui ve leh nghal bawk.

Jordan chuan an air defence system chuan Iran ballistic missile 18 a lo ang tih an sawi a, pahnih erawh chu a tlang a, mahse mihring chenna bial ni loah a tlak avangin thi leh hliam an awm lo tih a sawi bawk.

President Donald Trump kaihhruai US sorkar chuan Thawhlehni vek khan Iran aviation industry hrek belhna tur a puang leh. Commercial leh private airline bakah, foreigh cargo service provider, an vaiin 20 chuang hrekna a siam thar leh a ni.

Kumin February tawpa West Asia-a buaina a chhuah aṭangin khawvela oil phurh chhuahna kawnga tui kawng pawimawh, Strait of Hormuz thununtu zawk nih thumin US leh Iran hi an la innawr chhunzawm reng a ni. US hian Iran Revolutionary Guards-ten US aircraft carrier leh destroyer te ballistic missile hmanga an beih avangin kar liam ta Inrinni khan Iran oil tanker pathum a lo kap chhe tawh bawk. A ṭul a nih chuan Iraon oil tanker-te chu tihchhiatsak vekah an vau zui bawk. Secretary of state Marco Rubio said the US chuan Iran-in a beihna chu chhan let loin an enliam mai mai dawn lo tih a sawi.