Singapore sorkarin minister-te hlawh tipung dawn

Singapore sorkar chuan an ram minister leh sorkara dinhmun pawimawh chelhtu dangte hlawh a tipung dawn. Hlawh bi thar siamah prime minister Lawreng Wong hlawh chu kum khatah Singapore dollar mtd 1.4 (USD mtd 1.1) in a pun belh dawn ni. Hlawh tihsan a ni hma pawhin Singapore PM hi khawvela ram hruaitu zinga hlawh tam ber a ni sa tawh a ni.

PM Wong chuan minister-te hlawh tihsan chu mi talent nei ṭha tak takte sorkara hip luhna atan a pawimawh tih a sawi. A hmam pawhin sorkar hian minister-te hlawh sang tak pek chu eiruk venna turin a ṭha niin a lo sawi tawh bawk. Wong chuan a hlawh punna chu kum nga chhung mi dang ṭanpuina turin charity-ah a thawh zel dawn tih a sawi.

Hlawh tihsan hnuah PM hian kum khatah USD mtd 3.6 a hlawh pha dawn a,khawvela ram hruaitu zinga a hlawh a sang fal hle. Hlawh tam dawttu chu Hong Kong chief executive John Lee miin, kum khatah USD 719,000 a hlawh a, Switzerland president Guy Parmelin chuan USD 606,000 hlawhin, US president Donald Trump chuan kum khatah USD 400,000 a hlawh.