Hungary-in Russia palai 10 a hnawt chhuak

Hungary sorkar chuan an rama Russia diplomat 10-te chu an chet dan mawi lo leh, ram palai an nihna nena inmil lo taka an awm avangin an ram aṭangin a hnawt chhuak.

Deputy prime minister leh foreign minister, Anita Orban chuan Hungary security leh inrelbawlna venhimna turin he thutlukna hi siam a nih thu a sawi. Hemi rual hian diplomat ṭhenkhat hnawhchhuah a nih avangin Russia an inlaichinna chu tihtawp phah a ni lo tih sawi bawk.

Russia Foreign Ministry thupuangtu, Maria Zakharova Hungary sorkar thiltih chu na taka chhan let an tum thu a sawi nghal.

Kum 2022-a Russia-in Ukraine a run hnuah, Europe ram tam zawk chuan Russia nena an inlaichinna titawpin, hrekna hrang hrang an siam, EU member ram tam zawkin an rama Russia palai awmte an hnawt chhuak a ni. Mahse, Hungary hian hrekna engmah a la siam ve lo a, prime minister hlui Viktor Obran hnuaiah Russia nen pawh an inkar pawh a ṭha chho reng a ni. Kumin April thlaa inthlanpui neihah han kum 16 chhung thuneihna a chelh hnuah Orban hi a chak zo ta lo a ni.