Indonesia-ah sikula chaw sem eitu 2,000 dam lo

Indonesia ramah a thlawna sikula naupangte tana chaw sem ṭhin, Free Nutritius Meal programme kalpui meknaah, kar liam ta khan chaw sem eitu zinga mi 2,000 dawn an damlo a, an zinga a tam ber chu zirlai naupang an ni.

Thawhlehni leh Ningani inkara East Java, Central Java, West Sumatra, Aceh leh South Sulawesi-a chaw sem eitu zingah dam lo report hi a lut a ni. Chaw sem eitu zirlai leh zirtirtu bakah, sikul-a thawk mi tam tak an dam loh phah chhan hi chhui chian mek a nih thu thuneitute chuan an tarlang.

Prime minister Prabowo Subianto flagpship Free Nutritius Meal programme nikum January thla aṭangk han kalpui a ni. A hma pawhin chaw sem eitute dam lohna thleng report hi a lo awm tawh ṭhin. Health Ministry surveillance data aṭanga a lan danin, chaw sem eitute dam lohna hi province 36-a district leh khawpui 245-ah report a awm tawh a, mi 50,059 vel a nghawng tawh bawk a ni.