China President Xi-a'n Egypt a tlawh

China president Xi Jinping chu ni thum cham turin nimin khan Egypt-ah a zin. Kum 10 hnua Egypt a tlawh lehna hmasa ber a ni.

Xi hi Egypt president Abdel Fattah el-Sissi chuan Cairo airport-ah a lo hmuak a, hruaitu pahnihte hi nimin khan an inkawm nghal bawk. Xi hian Giza-a pyramids bula Grand Egyptian Museum a tlawh nghal bawk ang.

China leh Egypt hian kum 70 chhung inlaichinna ṭha tak an nei tawh a ni. China chuan Egypt ramah USD tld 10 chuang a invest tawh a, Cairo chhak lamah sumdawnna hmunpui leh Nile Delta biala industry-te hman tur electric rel kawng a siam a ni. Ram pahnih inkara kum khat chhunga sumdawnna hi USD tld 20 vela chhut a ni bawk.

August thla khan China leh Egypt hian Egypt rama base hrang hrangah air-exercise an lo nei dawn tawh a, a vawi khatna atan China J-16 fighter jet leh Egypt-in France siam a lei, Rafale fighter te pawh an tel a ni.

Xi hian Egypt a pan hmain Kyrgyztn khawpui, Bishkek-ah ram 10 telna, Shanghai Cooperation Organisation summit-ah a tel a bawk.