Russia-in Ukraine ralthuam dahna hmun a kap

Russia chuan kar liam ta Zirtawpni zan khan Ukraine khawpui, Kyiv khaw daia sipai ralthuam dah khawmna hmun chu rone hmangin a kap. He hmu hi mihring chenna hmun hnaih taka awm a ni a, Russia beihna vang hian mi 37 an thi a, mi 400 vel chu hmun him lamah sawn chhuah an ni bawk.

Ralthuam dahna hmun hi Russia beihna vang hian a puak nasa hle a, hei hian a chhehvela in leh lo bakah,tar enkawlna hmun pawh a tichhe tel tih Ukraine president Volodymyr Zelenskyy chuan a sawi. President hian mihring chenna bul hnaiah thil puak thei dahkhawm tur a ni lo tiin, hemi chungchang hi chhui chian a ni dawn tih a sawi. Russia hian tun hnaia Kyiv khawpui bul hnaia ralthuam dahna a beih vawi hnihna a ni.

Russia Defence Ministry chuan thuchhuah siamin, Ukraine khawpui thlang lama khua, Myla-a ralthuam dahkhawmna pakhat chu an sipaite'n an kah thu an tarlang. He hmunah hian drone, long-range unmanned aerial vehicles chi hrang FP-1 leh FP-2 siamna hmanruate leh a kah chhuahna (launch te dah a ni, a ti. Ralthuam dahna hmun puak hian a bul vela in 130 a tichhiat niin an tarlang bawk.