DRC-in healthcare worker-te Ebola vaccine pe ṭan

Democratic Republic of Congo (DRC) chuan Ebola laka invenna vaccine chu healthcare leh frontline worker te hnena a pe ṭan ta.

Vaccine pek hi Ebola 'strain' dang laka hman tura phalna pek tawh a ni a, tuna leng mek Bundibugyo strain lakah a thawk ṭha thei dawn em tih erawh hriat fiah a la ni lo. Bundibugyo strain vaccine emaw enkawlna tur damdawi emaw hi pawm a la awm lo a, clinical trial neih mek chauh a la ni.

Congo khawpui pakhat, Kisangani-a frontline worker-te hnenah vaccine pek ṭan a ni, health minister Samuel Roger Kamba chuan dose 50,000 chuang an dawng tawh niin a sawi. Vaccine hi hri leng hluarna, Ituri province-ah an pe hmasa dawn a, a darh tamna hmun dawtin an pe chhunzawm zel dawn tih a tarlang.

World Health Organization (WHO) chuan kar hmasa khan Ervebo vaccine dose 70,000 chu DRC-a hman turin phalna a pe tawh tih a sawi a ni. Sorkar chhinchiah danin, DRC-ah hian Ebola kai hmuh chhuah tawh mi 5,713 an awm a, mi 2,744 in an thihpui tawh a ni.