Guinea khawpuia leiminah mi 30 thi

Guinea khawpuia hnawmhnawk paihna hmun chu Pathianni khan a min a, mi 30 an thi tih sorkar chuan a sawi. Zan lama ruah nasa taka a sur hnuah hnawmhnawk paih vum tak hi an min a, a bulhnaia puan-inte a chhilh a ni.

Sorkar thuchhuah tarlan danin, chhiatna hi Conakry-a Gbessia commune-ah an ram huna Pathianni zing dar 2 vêl khan a thleng a ni. Mi 30 an thih bakah hliam na tak tuar mi pariat an awm a, mi dang 16 in hliam na vak lo an tuar bawk.

Minister of territorial administration, Djenab Toure chuan kar liam ta Ningani khan ruah tui tlak tam hun laia a hlauhawm avangin sorkar chuan hnawmhnawk paihna hmun hi a khar dâwn tih a lo sawi tawh a, hnawmhnawkte pawh hi Conakry khawpui pawna sawn chhuah a ni dâwn tih a lo tarlang tawh a ni.

Guinea hi khawvela bauxite awm hnemna ber niin, Simandou-a iron ore hlawm lian tak a nei a,nikum November thla aṭang khan mining project lian tak an kalpui a ni. Mahse infrastructure an nei ṭha tawk lo a, hei vang hian an ram mipui tam tak dinhmun rethei takah an la awm.