Israel-in Gaza aṭanga lehkhachaih tihchhuah chungchangah Hamas vau

Israel chuan Pathianni khan Gaza Strip aṭanga Israel rama rama lehkhachaih, drone leh balloon te tihchhuah a nih chungchangah Hamas a vau a, an tichhuak zel a nih chuan beihpui an thlak tur thu a sawi. Hamas lam erawh chuan an thiltih a nih loh thu an sawi ve thung.

Israel media-te chuan kar liam ta Inrinni khan Gaza ramri hnaih hmun hrang hrangah Gaza aṭanga tihchhuah lehkhachaih pali hmuh a nih thu sawiin, Pathianni khan Israel sipaiten pakhat an kap thla bawk. Tun hnaia hetiang lehkhachaih tihchhuah an hmuh hi 10 vel a tling tawh a ni.

Gaza aṭang hian kangmei tichhuak thei lehkhachaih leh balloon te hi Israel lamah an lo tichhuak fo tawh ṭhin a, Israel chhim lam lo leh huan tam tak a lo kang tawh a ni. Israel chuan heng thil hi Hamas te tihchhuah a nih an ring a, eng angin an chhan let dawn tih fiah nana an tih niin an sawi.

Israel prime minister Benjamin Netanyahu leh defence minister Israel Katz-te chuan thuchhuah inṭawm siamin, “Israel lam hetiang thil an tihchhuah ṭhinm hi an tihtawp nghal loh chuan, Israel Defence Forces chuan mawhphurtute lakah beihpui a thlak dawn a ni. Heng an tihchhuahna hmuna chengte chu a hnawt chhuak bawkang,' tiin an tarlang.

Pathianni khan he thil chungchang sawi hoin sipai leh security lama thuneitu an inhmuhkhawm thu an sawi bawk.

Hamas erawh chuan heng kah chhuahte hi an thiltih a nih loh thu sawiin mawhphurhna an la duh lo. Hamas political bureau member Bassem Naim chuan thuchhuah siamin, heng thlawh tirte hi Gaza-a naupangte tihchhuah leh,chutianga chhiatna thlen thei a ni lo tih a sawi. Israel chu Gaza hmun beihna tura hengte hi chhuanlam atana hmangah an puh let a ni.