Congo ramah Ebola hri vanga thi 2,300 an chuang tawh

Central Africa ram, DR Congo rama Ebola hri leng vanga thi chu mi 1,300 an chuang tawh a, chhinchhiah tawha an rama hri leng thihpui an tam ber ṭum a tling tawh.

Congo rama Ebola hri leng tawh zawng zawng zinga darh chak ber a ni. Sorkarin Thawhṭannia data a tihchhuahah hri kai 4,945 an awm tawh a, an zinga 2,325-te chu an thi tawh a ni.

Hei hi Congo-a Ebola hri leng vawi 17-na a ni a, kum 2018-2020-a hri leng, mi 3,481-in an kai a, mi 2,299-in an thihpui kha tun ṭuma hri len vanga hi zat hian a khum der tawh a ni. Data thar ber tarlan danin,Pathianni khan a ri kai thar 101 leh thi 33 an awm leh. Hetih lai hian hri kai zigah mi 1,000 chuang an dam chhuak tawh a, mi 730-te chu damdawi inah emaw, a hrana enkawl emaw an la awm mek a ni.

World Health Organization (WHO) chuan kum 2014-16-a West Africa-a Ebola hri leng, mi 11,000 chuangin an thihpui khan tun ṭuma hri leng hian a khu thei dawn niin a sawi.

Doctors Without Borders (MSF) a emergency coordinator, Trish Newport chuan hri leng chungchang hi mipuite an hriatchian ngai tih sawiin, hri leng do letna kawngah an tel a ngai a ni, a ti. Hma an laknaah mipui lam an tel ṭha tawk lo chu harsatna pakhat a nih thu a sawi.