Philippines sikul-ah inkahna thleng

Philippines chhim lam, Zamboanga City-a Ateneo de Zamboanga university campus-a high sikulah nimin khan inkahna a thleng a, zirlai pakhatin a zirlai pui a kahhlum hnuah amah pawh a intihlum zui ve nghal a ni.

Zamboanga City mayor Khymer Adan Olaso chuan pawikhawihtu zirlai hian camera vuah telin, sikul chhunga a pawi khawih lai hi a livestream niin a sawi. Police-te chuan silai pahnih a keng tih an sawi bawk a, zirtirtu pakhat a kap hmasa a, mahse a fuh lo nia hriat a ni. A hnuah classroom dangah kalin zirlai pakhat chu kap lehin a kap fuh a, hemi hnu hian amah a inkap zui ve a ni. A silai hmehpuah avang hian mi dang pahnihin hliam an tuar tih an sawi bawk.

Thla hnih liam taah han Tacloban City-a high sikul-ah inkahna a lo thleng tawh bawka, zirlai pathum an thih bakah mi dang 20 in hliam an tuar a ni. Hemi ṭuma silai hmetpuaktute pawh mipa tleirawl pahnih an ni a, an zinga pakhat zawk chuan online game-ah tharum thawhna thlenna lam chi a khel nasa theihle tih hriat chhuah a ni.

Philippines-ah hian sandbox game, Gorebox chu khap a ni a; Senate chuan tharum thawhna computer game-te'n ṭhalaite chunga nghawng an neih dan chu an chhui mek a ni.