Iran Supreme Leader-in IRGC leh armed forces hotu thar ruat

Iran supreme leader Mojtaba Khamenei chuan Islamic Revolutionary Guard Corps commander-in-chief atan Brigadier General Ahmad Vahidi leh armed forces chief of staff atan Major General Pilot Ali Abdollah a ruat thar.

Hruaitu thar ruatna hi sorkar thuchhuah puangtu IRIB leh IRNA news agency-te'n a hran ve vein an tarlang. Khamenei official social media account-ah tihchhuah a ni bawk. He thu thar puan chhuah rual hian Revolutionary Guards-ten Iran missile-te chu an thlawh lai ngeia an kawng thlak thei tur "guidance system" changkang zawk vuah a nih an puang ve bawk. He system thar hi vanlam venhimna thuam chakna tura siam a ni tih an tarlang. IRGC thupuangtu, Hossein Mohabi chuan Iran missile te chu a hma ami ang mai mai an ni tawh lo tih a sawi a; khawl lam thiamna hmanga indona, technological warfare chungchangah Iran chuan hma la in, building leh hmanruate tihchhiah piah lamah, hmelmate thutlukna siamna leh defense network bitum thlengin a huam a ni, a ti.

IRGC hotu thar Vahidi hi kukm 2009-2013 khan Iran defence minister a lo ni tawh a, kum 2021-2024 ah interior minister a ni bawk. A hmain Guards' Quds Force a lo ho tawh bawk a ni. US Treasury in a hrek zingah telin, kum 1994 khan Buenos Aires, Argentina-a Jewish community centre bomb a nih kaihhnawihah a lakah Interpol red notice tihchhuah a ni. He pawikhawihna thlengah hian mi 85 an thi a ni.

Armed forces chief of staff thar, Abdollahi hi veteran IRGC commander a ni a, Gilan leh Semnan province governor pawh a ni tawh bawk. Kum 2019 aṭang khan US Treasury in hrek zingah a tel.

Supreme Leader hian armed force leh IRGC top post dang pali chelh turte pawh a ruat thar bawk a ni.