Israel PM-in Gaza chungchanga US ruahmanna a hnawl

Israel prime minister Benjamin Netanyahu chuan US president Donald Trump-a'n Gaza Strip chungchanga ruahmanna a siam chu a hnawl tih Pathianni khan a sawi. Hamas-in ralthuam an dahthlak tak tak hma chu an sipaite lak chhuah a nih loh tur thu a sawi.

Netanyahu hian a hmain he ruahmanna siam hi a lo sawisel tawh a a, inthlan neih tur atana amah thlawptu, right-wing lamin an nawr nasat hnuah US ruahmanna chu a hnawl thu a puang chiang ta a ni.

He ruahmanna an sawiselna a nasat hnuah, inthlan lo awm tur atana a thlawptu dinglam pawl (right-wing base) lamin an nawr nasat avangin Mr. Netanyahu hian a hnawl thu hi a chiang zawkin a puang ta a ni. "Israel chuan he point 15 chuanna lehkha hi a hnawl a ni," a ti. Hetih lai hian Hamas chuan Gaza ruahmanna kalpui an inpeih reng thu an sawi thung.

Pathiannia cabinet ṭhutkhawm an neihah Netanyahu chuan thutlukna hi a sawi a, "Hamas-ten ralthuam an dah thlak tak tak hma chu Israel sipaite hi Gaza aṭangin an inhnukdawk lo ang. Kan sipaite leh kan mipuite tana hlauhawm thleng thei zawng zawng kan thiarfihlim zel ang," a ti.

Ruahmanna tharah hian Hamas-ten ralthuamte chu Palestine sorkar thar din tum, Palestinian governing body hnenah an hlan tur tih a ni. Hamas-in ralthuam an hlan rualin Israel-in sipai a la chhuak ṭan ang tih a ni bawk.

Netanyahu chuan an duh loh laite chu US hnenah an thlen tawh tih a sawi a, "Ngaihdan an nei a; ṭhenkhat chu kan pawm thei a, ṭhenkhat erawh kan pawm thei lo.Kan thutluknaah hian kan ding nghet tlat dawn a ni," a ti. Netanyahu chuan Hamas-in ralthuam an kawl tawh loh vek a phut a; mahse, neih tawh loh vek a phut a, mahse Board of Peace chuan hei hi a takah chuan thil theih loh tluk a ni an ti thung.