Canada-ah ram kangin in 230 kang chhia

Canada khawthlang lamah ram kang nasa tak a thleng a, chenna in 230 vel a kang chhe tawh tih official-te chuan an sawi. An rama ram kang thleng nasa ber zinga mi a nih thu an sawi.

Okanagan Indian Band hotu, Dan Wilson chuan ram kang, Bradley Creel wildfire hian Vernon bula thleng a ni tih sawiin, structure leh ramngaw te a kang chhe nasa hle tih a sawi. He kangmei hi kar liam ta Zirtawpni zana chhuak ṭan niin, thli na tak a tleh tel avangin a kangkai chak hle a ni. Wilson chuan kangmei chhuak hi a chak em avangin mi tam tak chuan insaseng nan minute 5 vel chauhte hun an nei niin a tarlang. Kangṭhelhtute theihtawpin ram kang hian ṭhelh a, thlawhtheihna hmanga an ṭhelhnaah daycare centre leh school building sak thar chu an veng thei nhin a tarlang.

Ram kang vang hian British Columbia-ah mi 8,000 vel hmun him lama sawn chhuah an ni tih emergency management minister Kelly Greene chuan a sawi a, hmun tam takah insaseng tura hriattirna tihchhuah a ni bawk. Province chhungah hian hmun 120 velah ram kang hia thleng a, heng zinga 50 vel chu an la thunun thei lo a ni. Bradely Creek bakah Boston Bar, Clinton leh Kimberley bulah ram hi a la kang nas hle tih a sawi.

Canada ramah hian ram kang nasa tak a thleng fo a, kum 2024 khan Jasper, Alberta-ah ram kang vangin chenna in 350 a chhia a, 2023-ah Okanagan biala McCougall Creel wildfire vangin in 200 a chhe bawk.