Washington state-ah ram acre nuai 2.5 chuanga zau a kang

US-a Washington state-a Spokane area-ah ram kang nasa tak thlengin, ram acre nuai 2.5 chuang a kang a, mi tam tak sawn chhuah an ni tih Inrinni zan khan official-ten an sawi.

Governor Bob Ferguson chuan ram kang vang hian Inrinni zin glam khan state pumah emergency a puang. State comissionser of public lands, Dave Upthegrove chuan ram kang hi kangṭhelhtu 4,000 chuangin an ṭhelh mek tih a sawi. Ram kang vang hian thi leh hliam erawh report an la awm lo tih an tarlang.

Spokane hi Washington khawchhak lama awm niin mi nuai 2.3 vel an cheng a ni. Chhungkaw 200 vel chu sawn chhuah an ni tawh a, mi dang pawh sawn chhuah belh ngai an la awm maithei tih official-te chuan an sawi. Mi tam tak power supply nei loin an awm bawk.

Kumin nipui chhungin Washington state-ah ram acre 4.5 vela zau a kang tawh a, stawt hmun hrang hrangah ram kang hi a thleng tih an sawi. Ram kang ṭhelh hna thawh mekah National Guard bakah state dang eng emaw zat aṭangin kangṭhelhtute tirh an ni bawk a ni.