Hungary-ah khawlum zual vangin nuclear plant khar

Europe ram hrang hrangten khawlum zual an la tuar mek a, Hungary prime minister Peter Magyar chuan khawlum zual zel avangin an ram nuclear plant neih chhun chu vawiinah khar a nih tur thu a sawi. Kum 44 chhunga plant an khar vawi khatna a ni.

Nuclear plant hi an ram khawpui, Budapest chhim lama Paksa hmuna awm a ni. He hmun aṭang hian an ram electricity mamawh hmun thuma ṭhena hmun khat siam chhuah a ni. He plant tan hian Danube lui tui an pump ṭhin a, mahse May thla aṭangin ruah sur mumal lo leh, khawlum nasa tak a thlen avangin tui level pawh a hniam tawh hle a, hei vang hian nimin aṭang khan Paks Nuclear Power Plant-a unit pahnih zinga pakhat chu khar a nih thu PM hian a sawi.

Unit pakhat khar a nih tak avangin power siam chhuah hi megawawt 240-ah a tlahniam a, hei vang hian an ram chanchina kum 44 chhunga a vawi khatna atan vawiin nilengin khar a ni dawn tih a sawi a ni.

National Weather Service chuan an rama khawlum lam chuan 40 degree Celsius a la thleng chho dawn tih sawiin, a lum ber ni tura sawi Ninganiah chuan 42 degree Celsius a tling thei dawn niin a tarlang.