Houthi-ten Red Sea-ah fee lak an tum

Yemen sorkar chuan an rama Iran thlawp helpawl, Houthi chuan Iran kaihhruainain Red Sea leh Bab al-Mandab Strait kaltlang tur lawngah fee lak an tum niin a sawi. He tui kawng hi Iran leh US inbeihna avanga Strait of Hormuz a lawng kal turte dan an nih hnua Saudi Arabia oil phurh chhuahna tui kawng pawimawh tak a ni chho tawh a ni.

Information minister Moammar al-Eryani chuan Houthi-te thiltih tum chu thil ṭha lo tak a ni tiin, khawvel huapa tuikawng pawimawh tak chu firfiakten sum an hmuhna hnar nghet takah an siam a hlauhaawm hle a ni, a ti. Iran Revolutionary Gards ten hetianga hma la tur hian an pui tih intelligence aṭanga an thu dawnah pawh tihchian a nih thu a tarlang.

Intelligence thu dawn aṭangin he project enkawl dan tur ruahmanna siamnaah hian IRGC mithiam leh thurawn petute chu an inhnamhnawih ngei a ni tih a tarlang," tiin Minister chuan a sawi. An ruahmnaah chuan lawng company-te leh sumdawng lawngte hnen aṭanga pawisa lakkhawm tur buaipui tur bik pawl din pawh a huam tel a ni, a ti bawk.