Seattle-a inpawngkahna thlengah mi 4 an thi

US-a Seattle khawpuiah an ram huna Pathianni zan dar 6 velah khan food festival neihna hmunah inpawngkahna a thleng a, mi pali an thi. Hliam tuar pali an awm bawk a, an zingah naupang pakhat a tel.

Kumtina ni thum awh food festival an neih ṭhin, Bite of Seattle an neihna hmun, Seattle Center-ah inkahna hi a thleng a ni. Silai hmetpuaktute hi mi pahnih niin, pakhat chu man a ni tawh a, mi dang pakhat chu zawn mek a ni tih Seattle Police Assistant Chief Tyrone Davis chuan a sawi. Heng mi pahnihte hi silai hian an inbei niin a sawi a, an silai hman pahnih pawh an man tawh bawk. Kuminah US-ah inpawngkahna hi ṭum 127 a thleng tawh a ni

Seattle mayor Katie Wilson chuan silai hmehpuah chu “tharum thawhna rapthlak tak” tiin, khawtlangin hun hlimawm tak an hman hona chu silai hmanga tihbuai a ni chu hriatthiam harsa an tih thu a sawi. Pawikhawihna thleng chu uluk taka an chhui zui tur thu leh, an thil hmuh chhuahte pawh mipui hnenah an puanzar zel tur thu a sawi.