Congo-ah Ebola hri vangin mi 930 an thi tawh

Democratic Republic of Congo, DR Congo health ministry-in an rama Ebola hri leng mek chungchanga report a tihchhuah tharah, hri vang hian mi 930 an thi tawh a, hri kai finfiah tawh mi 2,344 an awm tawh bawk. Pathianni khan hri vanga thi mi 37an awm a, ni khata hri vanga thi an tam ber zinga mi a ni pha.

May 15-a Congo ram khawchhak lama Ebola Bundibugyo virus a leng tih puan a nih aṭangin hri kai hi an pung chak hle. Hri leng hluarna ber, Ituri province-a health facility-te beih a nih fo avang leh, healthcare worker tam takin hlawh an lak theih loh avanga an nawrh vang te, hri venna kawnga hmanrua an neih ṭhat tawk loh vangtein hri leng hi a darh chak a, healthworker 36 velin hri hi an kai tawh bawk a ni.

Health ministry chuan hri kai zinga mi 724 chu damdawi-in leh hmun dangah a hranga dah an ni tih sawiin, hri leng hluarna bialah theihtawpa hma lak mek a nih thu a tarlang.