EU leh UK-in cyber attack vangin Russia hrekna siam

European Union leh Britain chuan Europe-a cyber attack thleng ṭhinah Russia intelligence agency, FSB chu inrawlhah puhin, Russia rama pawl leh mimal hrekna an siam.

Britain chuan blacklist a siamah Russia mi 24 hming a dah belh a, an zingah hian Russia military intelligence agency, GRU officer-te pawh an tel. EU hian mi pakua leh pawl pali hrekna a siam belh bawk.

EU leh Britain chuan tun hnaiah Poland infrastructure pawimawh tak chu digital hmanga beih tum a nih tih sawiin, heng zingah hian power gried pawh a tel tih an sawi. He thil hi FSB Cenre 16 spying hub aṭanga tih a nih thu sawiin, an hlawhtling thei lo hlauh a ni, a ti. Digital strike an neih hi hlawhtling se chuan thlasik khawvawt laiin Poland mi nuai 5 vel chuan electric supply an neih loh phah dawn tih a tarlang. Russia chu Europe ram hrang hrangah harsatna thlen tuma cheah an puh a ni.