Spain-ah ram kang vangin mi 13 an thi tawh

Spain chhim chhak lam, Almeria province-ah kar liam ta aṭang khan ram kang nasa tak thlengin, kangmei chhuak kaihhnawiha thi hi Pathianni zan thleng khan mi 13 an tling tawh tih sorkar chuan a tarlang.

Andalusian regional government chuan kangmei chhuaka a taksa 20% vel kang, Zirtawpni zinga damdawi-ina dah luh chu Pathianni zan khan a thi tih sawiin, British mi kum 93-a upa a nih thu a sawi. Regional emergency chief, Antonio Sanz chuan a chhungte a tawrhpui thu a sawi a, Spain chuan ram kang rapthlak tak a tuar mek a, kar liam ta Ningani aṭanga ram kang thleng hian Los Gallardos huam chhunah ram hectare 7,000 chuang a kang tawh tih a sawi.

Regional sorkar hotu, Juanma Moreno chuan kangmei chhuak hi a darh belh tawh rih lo niin Pathianni khan a sawi a, ṭhelh mih tuma theihtawp chhuak mek a ni, a ti. Andalusian biala ram kang an tawrh tawh zinga rapthlak ber a nih thu sawiin, mipui leh thuneitute chu khawvel boruak inthlak danglam chak, climate change chungchang chu ngaihthah mai lo turin a chah nghal a ni.