Europe khawthlang lamah June thla lum ber ṭum thleng

European Union-a Copernicus Climate Change Service in nimina report a tihchhuahah, kumin June thla kha Europe khawthlang lam biala June thla lum ber ṭum a ni. Khawlum lam hi June thla chhung hian chawhrualin 20.74 degree Celsius a ni a, kum 1991-2020 chhunga a lum lam aiin 3°C chuangin a lum zawk.

European Centre for Medium-Range Weather Forecasts (ECMWF)-a an hotu, Samantha Burgess chuan khawlum zual, heatwave chu a la thleng chho zel dawn niin a sawi a, Europe chauh ni loin khawvel hmun dangah pawh nghawng a la nei zel dawn tih a sawi.

Khawvel pumah June thla khawlum zawng kha chawhrualin kum 1850-1900 chho aiin 1.39°C in a lum zawk a ni. Tuifinriat temperature pawh a san ber ṭum a ni. Europe hi khawmualpui hrang hranga zinga lum chak ber a ni bawk. Kuminah khawlum zual kaihhnawihah mi eng emaw zat an thi a; France, Belgium, Spain leh Netherlands ramte chu a tuar nasa ram an ni.