Congo-a health worker ṭhenkhatin nawrh huaihawt

Ebola hri len mekna, DR Congo rama healthcare ṭhenkhat chu hlawh an lak theih loh avangin an nuar. DR Congo-ah hian Ebola hri vanga thi 580 an tling tawh. Sorkar data tihchhuah thar berah Ebola hri kai finfiah tawh hi mi 1,708 an awm tawh a ni.

Healthworker nuarte hi hri len nasatna ber, Ituri province-a mi an ni. Ebola hri len thu May 15-a puan a nih hnuah an hlawh pek an la ni lo tih an sawi. Hei bakah hri veite an enkawlnaah hmanrua an nei ṭha tawk lo a, an chunga thuneitute chet danah an lawm lo hle tih an sawi. Province thuneitute hnenah an thil phutte chu tihlawhtling thuai turin an phut a, Thawhlehni aṭang khan thawktu ṭhenkhat chuan hna an thawk zui tawh lo.

Congo sorkar chuan healthworker te thil phut chungchangah sawi engmah a la nei lo a, mahse, Ituri province official-te chuan healthworker aiawhte hi hmuin, an harsatna tawh mek chinfel dan pawh ngaihtuah mek a nih thu an tarlang.