Nepal Finance Minister hlui man

Nepal finance minister hlui Bishnu Prasad Paudel chu Thawhṭanni zan khan pawisa hman dik loh thilah rinhlelh a nih avangin police-ten an man.

Kum 66 mi, Paudel hi nikuma Nepal-a Gen Z hmalaknaa nawrh huaihawtten an paihthlak tak, prime minister hlui KP Sharma Oli sorkara mi pawimawh tak a ni ṭhin a, Communist Party of Nepal (UML) hruaitu hlun a ni bawk. Police-te chuan an ram khawthlang lama hotel pakhatah an man niin an sawi. Hotel-ah hian UML inthlan thlir letna leh, an party indinthar leh dan ngaihtuahin meeting an nei a ni. Man a nih hnuah Kathmandu-ah hruaiin Department of Money Laundering Investigation kutah an hlan dawn tih police thupuangtu chuan a sawi.

Prime minister Balendra Shah kaihhruai Nepal sorkar thar a din hnuah, PM hlui Oli leh a home minister hlui pawh nikuma nawrh huaihawt kaihhnawihah, tharum thawhna thleng dang thei loa puhin man an lo ni tawh a, bail-in an chhuak mek a ni. PM Shah chuan an rama eirukna nuaibo tura thu a lo tiam tawh chu a taka kalpui a, an ram inrelbawlnaa thil dik lo awmte tihbo tumin hma lak zel a tum tih a sawi.