South Korea PM atan Han Seong-sook nominate

South Korea president Lee Jea Myung chuan Minister for small and midsize businesses and startups Han Seong-sook-i chu prime minister atan a nominate tih nimin khan President office chuan a sawi.

Parliament-in PM tura rawtna hi a pawm a nih chuan Han-i hi kum 20 hnua South Korea-in prime minister atana hmeichhia a neih lehna hmasa ber tur a ni.

South Korea presidential chief of staff Kang Hoon-sik chuan, 'Han-i hian South Korea sum leh pai dinhmun, semiconductor hralh chhuah tam vanga ṭhang chho mek chu sumdawnna kawngah hmasawnna nasa tak thlen tirin athlak danglam thei dawn a ni,' a ti. Han hi a hmain SKorea internet company lian, Naver-ah chief executive pawh a lo ni tawh bawk.

South Korea Prime Minister dinhmun hi a hminga thuneihna chelhna leh inrelbawlna lam hna a ni ber a, thuneihna bulpui chu President in a chelh a ni.