Hezbollah-in Lebanon-a inkahhai puan an hnawl

Lebanon leh Israel sorkarin Lebanon-a inkahhai an puan chu Iran thlawp helpawl, Hezbollah chuan an hnawl tih Ningani khan an sawi a, Lebanon ram aṭangin Israel sipaite chu inhnukdawk vek turin an phut.

Hezbollah hruaitu, Naim Kassem chuan inkahhai puanna tura inremna an siama Lebanon chhim lam aṭanga Hezbollah fighter-te inla chhuak tura tih chu an pawm loh thu leh, hei hi inpe tura tura an tihna leh an hmelmate thil tum ber a nih thu a sawi. Lebanon rama Israel sipaite an awm chhung chuan an dodal zel dawn tih a sawi a ni. Inkahhai puanah hian Lebanon chhim lam aṭanga US sipaite inhnukdawk tura tihna telh ni mah se, a hun tur erawh sawi lan a ni lo.

Inkahhai puan ni mah se Israel leh Hezbollah te hi an la inbei chhunzawm reng tho a, Israel-in Lebaon chhim lama beihpui a thlak hnuhnung berah mi pali an thi, Kristian tamna, Marjayoun khuaa Hezbollah leh Israel sipaiten inbeihnaah UN peackeeper pakhat a thi tel bawk.