Austria-a nawrh huaihawtten Germany leh Italy thlunzawmtu kawng an dang

Kar liam ta Inrinni khan Austria ramah mi tam takin Austria-a Brenner motorway, Germany leh Italy inkara Alps tlangdung paltlangtu kawng pawimawh tak chu an dang. Hei hi truck leh khualzinte'n an kawngpui an ti tawt reng ṭhin duh lohna lantirna a ni.

Nawrh huaihawt hi Gries am Brenner mayor, Karl Muehlsteigner hoa neih a ni a, mi 3,000 chuang an tel.

Brenner Pass pantu lirthei tam lutuk leh boruak bawlhhlawh chungchang hi Austria leh Germany ten kum eng emaw zat inrem lohna leh inhmuh thiam loh phah nan an lo hmang tawh a ni Austria-a Tyrol state thuneitute chuan lirthei kal zat tihhniam nan hmalakna hrang hrang an siam fo a, mahse hei hi ramri lehlam, Germany lamin sawiselin lungawi lohna nasa tak a chhuah phah fo a ni.

Nawrh huaihawtte hian darker riat vel kawngpui hi an dan hnuah, police-te inrawlhin an titawp a, kawngpui hi a pangngai ang bawkin a lun chho hle nghal hle. Nawrh huaihawt vang hian buaina chhuak leh harsatna lian tham thleng a awm lo niin an tarlang.